بسم الله
اولا: ايه المميزات الى ممكن يكتسبها طالب الطب بسبب الدراسه
1- فعلا بيحس بقدرة المولى عز وجل فى الخلق وبيعرف ان كل حاجه في الجسم ماشية بنظام
2- بيكون عنده شجاعه اكبر فى مواجه المرض سواء هو نفسة او احد اعزائه
3- مع الوقت بتزيد سرعته على الإستيعاب بسبب انه اصلا دراسته مش سهله
4- المفروض انه بيكون اكثر رحمه بالضعفاء
5- المفروض بيكون نظيف بسبب معرفته بمدى انتشار الجراثيم والميكروبات
6- بيكتسب مهاره الإسعافات الاوليه
7- بيكون صحى فى اكله وباقى حياته
ده طبعا الي المفروض يحصل واتمنى انه يحصل

ثانيا: نظام الكليه والامتحانات والاجازات والشغل
1- الدراس في كليه الطب مكونه من سبع سنوات مقسمه كالتالى
أ- ثلاث سنين دراسه اكاديميه لمواد
(التشريح - علم الاعضاء - التشريح الميكروسكوبى - الكيمياء الحيويه - علم الأمراض - علم الأدوية - علم البكتيريا - علم الطفيليات)د
( anatomy - physiology - histology - biochemistry - pathology - pharmacology - microbiology - parasitology)
ب- ثلاث سنين دراسة عمليه لمواد
( طب شرعى - انف اذن حنجره - رمد- باطنه - اطفال - جراحه - نساء وتوليد)د
ج- سنه تدريب عملى فى المستشفى

2- الامتحانات فى كل ماده نمتحن (أعمال سنه - عملى - شفوى - تحريرى)د

3- الاجازات فى الأربع سنين الاولى مثل باقى الكليات وخامسه وساته متصلين

4- الشغل
أ- بعد التخرج بتاخد التكليف لمده سنتين فى مستوصف طبى حكومى بنظام التنسيق يعنى درجات ورغبات
ب- بعد التكليف بتاخد النيابه فى التخصص بنظام التنسيق لمده خمس سنوات
ج- بمجرد حصولك على نيابه فى تخصص معين بتبدأ فى تحضيرك للدراسات العليا ( دبلومه او ماجيستير ) فى التخصص بتاعك
د- بعد كدا تبدأ مرحله جنى الثمار

اتمنى ان تكون اجابتى وافيه وشكرا