كهربنى ..... شكرا please electrify me

موضوع: كهربنى ..... شكرا please electrify me 26/5/2010, 1:53 am

طبعا زي كل صبح بلاقي خبر لذيذ عن حكومة
بلدنا الجميلة اللي دايما حريصة على صحة المواطنين فبدتيهم اخبار حلوة تنشط
دورتهم الدموية

حاجة طريفة جدا
بتبين مدى الرفاهية اللي وصلت ليها الدولة

الخبر كالآتي
::
أعلن الدكتور حسن يونس وزير الكهرباء والطاقة أن الوزارة بدأت
التوسع في تطبيق استخدام العدادات الالكترونية التي تعمل بنظام الكارت
المدفوع مقدما للمشتركين الراغبين في التحول لهذا النظام مجانا وبدون اي
رسوم على مستوى الجمهورية.‏

وقال الوزير إن المشترك
في هذا النظام الجديد يتمتع بنفس الأسعار وشرائح الاستهلاك المتعامل بها
حاليا دون أي زيادة ولايتم فصل التيار الكهربائي عن المشترك في حالة انتهاء
رصيد الكارت المدفوع مقدما ما بين الساعة الخامسة بعد
الظهر وحتي الساعة العاشرة من صباح اليوم التالي لتمكين المشترك من
اعادة شحن الكارت‏.‏

وتم فتح منافذ لبيع
كروت الشحن بإدارات الكهرباء‏، كما انه توجد لمبة في واجهة العداد حتى
يتسني عند وصول الرصيد إلى ‏25%‏ من قيمة الشحن " يا حلاوة !!!
" .‏

هو
ممكن تكون وسيلة لتوفير الكهربا عشان الناس تقنن من الإستخدام لكن النظام
فيه مشكلة .. لنفترض ان البيت فيه كبار سن او اسرة عاملة مشغولة ليل نهار
.. كل ما الكارت يخلص تعمل ايه بالظبط .. الناس هتجري ع المنافذ تشتري
الكروت .. و طبعا الآلآف هيقفوا ع
المنافذ و طوابير و حوارات و شكاوي و هيبقى زي ازمة العيش بالظبط و سنة و
تلاقي الحكومة نزلت الكروت عند بتوع الموبيلات بالمرة و اشتري و الحسابة
بتحسب .. يالا اهي افتكاسة برده عشان نحس بالتغيير ..

تعليق المواطن المصري البسيط على الموضوع عجبني اوي و
هو سبب نقلي للخبر :: واحد قال :: " طيب دلوقتي الحكومة عملت حسابها لما
الرصيد يخلص ممكن ابعتلها " كهربني شكرا ؟؟؟ "

خبر جميل يا تابعى

بس انا ليا تعليق

هوا نظام الكرت المدفوع مقدما هيبقى فية انظمة

ولا كلة نظام واحد

طيب وهل فية عروض للحبيبة ولا لا

طيب واللى عاوز يحول عدادة خط مش كارت يعمل اية

وياريت تكتب نمرة خدمة العملاء

علشان الشكاوى

ههههههههههههههههههههههههههههههههههه

طبعا انا يتريأ

ولسة لما نشوف الحكومة هتعمل فينا اية

حسبنا الله ونعم الوكيل

وشكرا تقبل مرورى

شكرا لمرورك العطر

صفحة 1 من اصل 1