دى يا جماعه بعض مواصفات
فتاة الاحلام بالنسبه للشباب
وكل حسب تفكيره وعقليته
نبدأ ....
------------
انا عايزها
بعيون خضره وجميله .. وياريت تكون تخينه وطويله ..!!
**********
وانا عايزها
العيون سودا وكحيله .. ويسلام بقى لو اسمها فتكات او عديله .!!!
*************
وانا عايزها هاديه ومطيعه .. ومسمعهاش يوم بتنطق يادى المصيبه وقطيعه
*************
وانا عايزها زى المذيعه .. جميله ورقيقه جداااااا ... و فظيييعه
**************
انا بقى عايزها بنت زى كل البنات
بس شرط .. مش كل شويه تقول هات وهات
عاوز ارجع من شغلى انااااام من سكات
***********
انا عايزها لما أرَوّح .. مالاقيش نفس الموال والموشح
قال ايه .. مخنوقه وعايزه تخرج وتتفسح
**********
أنا عاوز اكون بالنسبالها سى السيد
تسمع كلامى بدون اعاده وبدون ما أأكد
صوتهااا هممممس . مش كل شويه عليا تنكد
**********
انا عايزها مثقفه ومتعلمه
لظروفى وحالتى متفهمه
تعرف امتى تسكت وأمتى تكون متكلمه
وانا عايزها بحجابها وشها منور
تبقى عندى اجمل من قرص الشمس المنور
وتبقى راكزه ورزينه مش من كلمه تتهور
انا عايزها تحفظ كلمتين الاولى نعم والتانيه حاضر
ولا تقول إتأخرت ليه ولا كنت بره بتعمل ايه
ساعتها هقول دى بقت عيشه تزهق يا ساتر
***********
انا عايزها طيبه ومنى قريبه وست بيت
ولما نعجز تقولى والله كبرتْ وربيت
وانا اقول لها ياااه وانا اخترت زمان وحبيت
وانا عايزها شطوره .. بنت حلوه كده واموره
بنوته " سنباتيك " كده وصغيوره
وانا عايزها اشوفها من جمالها اتعجب
عيون ايييه .. ورموش ايييييه .. والشعر ناعم ومسبسب
اما لو وقعت فى غير كده
تبقى ليلتها سوده ونهارها مهبب*************
انا عايزهافى فرحى فى حزنى تقول معاك
ويتحقق فيها كلمة"
وراء كل عظيم امرأه " تقول وراك
وترضى بالنصيب والقسمهوتكون سند كالوتد تقول انت اقوى . انا وياك
هى بإختصار كما قال رسول الحكمه
" فاظفر بذات الدين تربت يداك "
**************
فى انتظار ردودكم
موضوع: فتاة أحلامى .. 
27/5/2010, 11:16 am
